زهيرية كويتية

من ضامري دار دولاب القلب داير

علي وليف(ن) غدا مثله فلا داير

دورت جميع الخلق ماريت له داير

بدلت عقبه فلا غيره يطيق القلب

الي طريته اون ونتن صويب القلب

يالله ياخالقي تفرج هموم القلب

ياعالم الحال ياللي بالفلك داير

زهيرية كويتية

خاطبت وحي المحبه والهوي والروح

والشوق مزج مهجتي والروح

أنا لمن أشم ورد محاسنك والروح

بالأول نجيكم تقولو ياحبيب الروح

واليوم نجيكم تقولو روح عنا روح

ونقسم بالله لا عاد نجيكم ولو كنتم ذهب مطروح 

سالم بن شبيب المناعي

سافرت عصر المسي ونويت فرقاهم

ودموع عيني تهل وتنوح فرقاهم

يانوخذه بالوصل ما أطيق فرقاهم

والله ما اسلا وقلبي صوبهم رايح
 
يابن حمد شاقني ضبي(ن) رتع رايح

يازين حسنه عجبني وان مشي رايح

ما ألوم من شكا من طول فرقاهم

سالم بن شبيب المناعي (قطر)

سالم المناعي

ياصاحبي كيف حالك عقب الاول
حبك بري بخاطري زايد(ن) عن الاول 
وحياة من شيد الأركان بالأول
ماقط أنساك لو قلبك جسا وأنكر 
ونكران عقب المعزه صح ذا منكر
سايلت قاضي الهوي وقال ذا منكر
أصيح هيهات ياحزني علي لاول

سلطان بن سلامه ال بن علي

اه من الدهر حين ينقضي وعداي

من حين ماجندلو خصمي ورأيت عداي

اهم أصحابي بلا شك القلوب اعداي

يمشون في غيهم ويهطون درب العدل
 
ان ساعد الله لا اوريهم طريق العدل

قومو العبو ياعزوتي مادام راسي عدل

وان مت ياعزوتي خلو اللعب لعداي

حمد المناعي (بو راشد) سلمى بالإنكار

سلمى بالإنكار حطت في الحديد أوسام 

شنهو كمالك خذت ادم ونوح وسام 

واصبر عليها قبل تسقيك مر وسام 

واعمل بها زين قبل مواجهة منكر

تجزع من الموت وانت واحد(ن) من كر

اترك اهل الزيف واترك من عمل منكر

تطوي حبلها وكل الناس فيها وسام